‘n NUWE SEISOEN

Lukas 5 : 37 “En niemand gooi nuwe wyn in ou velsakke nie. As hy dit sou doen, sal die nuwe wyn die velsakke laat oopbars. Dan is die wyn vermors en die sakke daarmee heen. Is jy gereed vir ‘n nuwe hoofstuk in jou lewe?  Om vorentoe te beweeg, die seëngebied te betree wat God vir jou berei het, moet jy bereid wees om die verlede agter te laat.  Di twat jy aan vasklou bring jou immers net hartseer en pyn.  Dis tyd vir voorspoed en vreugde. Die lewe het jou dalk nie altyd sagkens behandel nie, dinge wat jy nie altyd verstaan nie, maar dit definieer jou nie.  Dis tyd om uit die skaduwees te tree en die sonskyn baldadig op jou te voel skyn.  Somer in jou lewe het aangebreek.  Tyd vir ‘n nuwe visie, dalk selfs ‘n nuwe haarstyl en klerekas.  Herrys uit die as van jou verlede en omhels die toekoms.  Kry jou selfvertroue terug.  Daar is geen rede om minderwaardig te voel nie.  Jou pa is die Koning van die Heelal!