Fokus op wat jy kan doen

Jesaja 32 : 17  Wie reg doen, sal vrede hê; wie volhard in regdoen, sal vir altyd rus en sekerheid geniet.

Paul Smith was ‘n man met ‘n uitsonderlike talent.  Hy kon die mooiste, lewensgetroue, skilderye maak deur ‘n tikmasjien te gebruik en slegs simbole @ # $ % ^ & * ( )_ te herhaal.  As jy sy naam Google sal jy absoluut verstom staan oor sy talent. Op ‘n afstand is dit ‘n skildery, maar slegs wanneer jy van baie naby kyk, sal jy die simbole herken. 

Wat maak hom so spesiaal?  Hy was seribraal gestrem en het nie die volle gebruik van al sy ledemate gehad nie.  Sy spraak was ook aangetas.  Nogtans het hy homself nie laat terughou nie, maar hierdie kunsvorm as ‘n nismark vir homself uitgekerf. Boonop was hy ‘n uitmuntende skaakspeler, alhoewel hy destyds nie ‘n formele skoolopleiding gegun is as gestremde nie.

Wanneer hy sy kunswerke op die tikmasjien geskep het, moes hy sy linkerhand gebruik om sy regterhand te stabiliseer.  Daarom kon hy nooit meer as een sleutel op ‘n slag gebruik nie.  Hy het toe besef dat hy beperk is tot die simbole en het dit as ‘n geleentheid gesien om hierdie kunswerke te skep.

Hoeveel van ons sou bly vassteek het by wat ons nie kan doen nie, eerder as om te fokus op wat ons kan doen?  Elkeen van ons ken ons eie tekortkominge en soms is ons die enigste persoon wat in ons eie pad staan.  Paul is so ‘n inspirasie.

Hierdie merkwaardige man is gebore in 1921 en het in 2009 afgesterf.  Oor 70 dekades het hy honderde kunswerke geskep waarvan hy die meeste weggegee het.  Mettertyd het hy dit selfs bemeester om skaduwees, kleur en tekstuur aan sy werke te gee wat dit laat ooreenstem met houtskool skilderye.

"Jy leef net een keer nie, maar as jy dit reg doen, is een keer genoeg nie." - Mae West