Trouble trees

Psalm 37 : 1  Moet jou nie ontstel oor skelms en jou kwel oor skurke nie,

Daar is ‘n verhaaltjie oor ‘n skrynwerker wat besig was om ‘n ou plaashuis te restoureer.   As gevolg van ‘n pap wiel het hy laat opgedaag.  Gedurende die dag het sy elektriese saag kort-kort probleme gegee en toe hy huis toe wil ry, wil sy ou bakkie nie vat nie.  Probleme op probleme – dalk klink dit soos jou eie lewe.

Die eienaar bied toe aan om hom huis toe te neem.  Moeg gewerk, na ‘n harde dag vol uitdagings, ry hul in stilte voort.  By die huis gekom, nooi die skrynwerker die boer in om sy familie te ontmoet.  Op pad na die voordeur, stop die skrynwerker by ‘n klein boompie en raak die takkies liggies aan met sy hande.

Die oomblik toe die skrynwerker egter die huis binnestap, trek sy moee skouers agteroor en sy gesig verkreukel met ‘n bree glimlag.  Asof hy heeldag sit en niksdoen het,  tel hy sy seuntjie op en gooi hom in die lug. Terselfdertyd buk hy oor sy vrou om haar hallo te soen en teen hom vas te druk met die wriemelende kleintjie steeds onder sy een arm vasgeknyp.

Op pad uit, vra die boer hom hoe hy dit regkry om te transformeer van doodmoeg tot liefdevolle eggenoot binne sekondes?

“O, dis maklik.  Ek het ‘n ‘trouble-tree.  Jy’t seker gesien hoe ek die boom aanraak op pad in.  Wel, ek weet dat elke dag sy eie probleme bring, maar dis nie nodig dat ek hul in my huis toelaat nie.  Ek vra my ‘trouble-tree” om na hul om te sien tot ek hulle soggens weer kan opneem.”  Hy kry so ‘n glinster in sy oog en se dan:  “En weet jy wat verbaas my elke keer? Wanneer ek hulle die volgende oggend wil optel is hulle of weg, of hulle is heelwat kleiner as wat ek onthou.”

God nooi jou uit om jou probleme by sy voete te los.  Moet dit nie in jou huis toelaat nie.

"Daar is net twee maniere om jou lewe te lei. Een is asof niks is 'n wonderwerk is. Die ander is asof alles is 'n wonderwerk is." - Albert Einstein