Bitterheid

Spreuke 14 : 10 Net 'n mens self ken die bitterheid van sy eie gemoed

Bitterheid kan jou lewe oorneem.  Ons almal word getreiter deur onregverheid wat ons so duidelik onthou ander teenoor ons gepleeg het, asof dit gister was.  Dis egter nie nodig om dit voortdurend te onthou om selfs daaroor te praat nie. 

Dalk besef jy nie eens dat jy bitterheid koester nie.  Toets jouself deur na jou eie gesprekke te luister.  Wanneer jy jouself betrap dat jy voortdurend na een of meer negatiewe geleenthede uit die verlede verwys tydens gesprekke, is dit tyd om jou gedagtes te ondersoek.  Sulke gedagtes vergiftig jou sisteem.  Dit bly jou terughou en kan selfs die oorsaak wees dat jy nie weer geluk kan vind nie.

Ja, dit wat jou oorgekom het is nie regverdig nie.  Jy het dit nie verdien nie, maar probeer om ‘n ander perspektief te ontwikkel.  As jou man jou verlaat het, dink aan jou lewe nou, en jou lewe toe.  Wil jy regtig so iemand in jou lewe hê?  As jy onregverdig afgedank is, dink aan hoe jy behandel is.  Was dit nie dalk ‘n bedekte seen nie.  As jy jou motor, huis, besittings verloor het… dalk het daardie besittings jou van God weggehou. 

Jy kan natuurlik teenargumente hê en bitter bly, of jy kan begin om God se hand van bewaring en Sy ondersteuning deur dit alles raak te sien.  Hy het immers net goeie planne vir jou ingedagte…