Markus 8 :
34 As iemand agter My aan wil kom, moet hy homself verloën, sy kruis opneem en
My volg.
Om God te volg,
moet jy bereid wees om alles agter te laat.
Niks neem voorkeur bo Hom nie.
Dit verg algehele toewyding van jou en natuurlik opoffering, maar
uiteindelik is die beloning die ewige lewe.
Oor die eeue heen het menige gelowige hul lewens verloor ter wille van
hul geloof. Sendelinge waag hul lewens
om die Woord te verkondig. Wat doen
jy? Volg jy Hom? Leef jy volgens Sy wil? Dit mag vir jou ook moeilik wees of jy mag
dalk voel dat jy nie goed genoeg is nie.
Jesus het Sy dissipels geleer alvorens Hy hul gevra het om die Woord uit
te dra tot aan die uithoeke van die aarde.
Hy vra nie dat jy lei nie, eerder dat jy Hom, die goeie Herder volg. Hy sal nooit meer van jou vra as waarmee Hy jou toegerus het nie.
No comments:
Post a Comment