Tough love

Spreuke 29 : 17 Tugtig jou seun, dan sal hy jou rus gee en aan jou siel vreugde verskaf.

‘n Wyfie kameelperd gee geboorte terwyl sy staan wat tot gevolg het dat ‘n baba kameelperd se eerste ervaring ‘n val van bietjie meer as ‘n meter is.  Wat 'n manier om die wêreld binne te kom!

Byna katswink strompel die baba op sy vier beentjies.  In plaas van ‘n liefdevolle lek as troos, stamp die wyfie die kleintjie sodat hy val en weer moet opstaan.  Hierdie onsimpatieke behandeling word ‘n hele paar maal herhaal totdat die kleintjie te moeg is om te staan en eenvoudig bly lê.  Eers dan sal die ma nader staan en die kleintjie lek om hom aan te moedig om op te staan.  Die keer sal sy hom nie weer omstamp nie.

Die rede hiervoor is oorlewing.  Dis uiters belangrik vir ‘n kameelperd om te leer om so vining as moontlik op sy voete te kan kom.  Die wyfie se skynbare harteloosheid is inderdaad ‘n daad van liefde. 

As ouers het ons ook ‘n verantwoordelikheid om ons kinders voor te berei op die lewe.  Soms is dit nodig om ‘tough love’ toe te pas.  Ongelukkig wil ouers deesdae eerder vriende wees met hul kinders en daarom ontneem hul hul kinders dikwels die voorreg om lesse te leer wat hul lewens kan red.  Genoeg liefde is die veiligheidsnet vir daardie lewenslesse. 

Arabiese spreekwoord:  “Sometimes, in order to teach something good,you have to be a little rough.”