Psalm 61 : 3 Ver uit die vreemde uit, in wanhoop, roep ek na U. Bring my op 'n rots waar ek veilig sal wees.
Jy ken daardie mismoedige gevoel wanneer jy in ‘n put van wanhoop beland het. Hoe jy ook al redeneer of planne maak, jy weet nie watter kant toe nie. Jy is totaal platgeslaan. Dis dan dat jy begin rondkyk. Wie kan jou help?
Die waarheid is, dat wanneer dit met jou sleg gaan, jou sogenaamde vriende ook verdwyn het. Deur God en mens verlate. Nee, God verlaat jou nooit nie. Hy dring Homself net nie aan jou op nie. Al wat jy moet doen, is om Hom aan te roep. Hy sal jou help. Ophelp. Hy ken jou seer, jou mislukking, jou teleurstellings.
‘n Mens moet mislukking ervaar om sukses te waardeer. Jy moet kruip voor jy kan loop. En dit beteken nie dat jy nooit weer sal val nie, maar om op te staan en weer te probeer, dit maak van jou ‘n wenner.
No comments:
Post a Comment