Israel het op ‘n stadium opstandig en ongeduldig met God en Moses geword en toe vir hulle ‘n goue kalf gemaak wat hulle aanbid het. Eksodus 32 : 19 Toe Moses naby die kamp kom en die kalf en die dansery sien, het hy woedend geword en die twee plat klippe in sy hand flenters gegooi teen die voet van die berg.
Raak jy ook ongeduldig met God? Jy het darem nog nie vir jou ‘n goue kalf gemaak nie, maar jy lees nie meer jou Bybel nie en jy bid lankal nie meer nie. Jy weet nie wanneer laas jy in ‘n kerk was nie. Wie se skuld is dit nou eintlik? Dink jy dat God nie meer omgee nie, omdat dit met jou swaar gaan?
‘n Verhouding kan nie bestaan as dit net van een kant kom nie. Hy is steeds daar, wagtend op jou. Hy wil jou help. God is ontsettend lief vir jou.
No comments:
Post a Comment