Openbaring 1 : 3 Geseënd is die een wat die woorde van hierdie
profesie lees, en die mense wat dit hoor en wat ter harte neem wat daarin
geskrywe staan, want die eindtyd is naby.
In New Zealand het ‘n groep
Christene ‘n groot advertensiebord langs ‘n hoofweg opgerig met die woorde “Final
Exit”. Die idee is om mense daaraan te herinner dat ons almal eendag die laaste
afrit gaan neem. Hul hoop natuurlik ook
dat dit mense sal beweeg om hul lewens in orde te kry sodat hul gereed sal wees
die dag as hul daardie laaste afrit geneem het.
Baie van ons ken die
frustrasie as jy ‘n verkeerde afrit neem.
Omdraai is uit as jy eers ’n verkeerde afrit geneem het. Met die laaste
afrit sal daar ook nie omdraai wees nie.
Ons sal hierdie reis noukeurig moet aanpak, die aanwysings (Bybel) lees
en seker maak ons aandag word nie afgetrek deur dit wat ons langs die pad teekom nie.
Die eindtyd sal verseker
aanbreek. Al waarvan ons nie seker is
nie, is presies wanneer. Vir party gaan
dit ‘n blye dag wees, maar vir ander ‘n wrede ontnugtering.
Is jy gereed vir daardie
laaste afrit?
No comments:
Post a Comment