Mense is tropdiere. Alleenlopers word eenkant toe gestoot of as
‘n bedreiging gesien. Vra maar enige
weduwee/wewenaar/geskeide persoon. Sodra
jy nie meer ‘n maat het nie, is jy nie meer welkom by sekere geleenthede nie. Dit is asof jy nie meer ‘n voltooide mens is
nie.
Wat doen jy om alleenlopers te
betrek? Reik jy uit na hulle of sien jy
hulle as ‘n bedreiging? Ons moet ook so
leef dat ons nie afhanklik van ‘n ander is vir ons eie geluk nie, want dit is
dan dat jou hele wêreld platval as daardie persoon nie meer daar is nie. Word jou eie mens. Kry jou eie belangstellings en bou jou eie
vriendekring binne ‘n verhouding. En as
jy alleen is, reik uit na ander. Neem
die eerste tree om ander uit te nooi en word ‘n getroue vriend(in).
No comments:
Post a Comment