Markus 5 : 19 Jesus het hom dit
egter nie toegelaat nie maar vir hom gesê: “Gaan na jou huis, na jou mense toe,
en gaan vertel vir hulle wat die Here alles vir jou gedoen het en dat Hy jou
jammer gekry het.”
Nadat Jesus die bose geeste uit Legio uitgedryf het, wou hy
saam met hulle in die skuit klim, maar Jesus het hom gestuur om eerder vir
mense te gaan vertel wat met hom gebeur het.
Vandag wil ek vir jou uitnooi om vir my te vertel wat God
die afgelope jaar vir jou gedoen het sodat ek jou getuienis met ander kan
deel. Ons bid soms vir dae, maande, jare
en dan kom daar ‘n deurbraak. Hoeveel
van ons getuig daaroor?
God verwag van ons om te getuig, want getuienis is God se
advertensies. Dis hoe ons hom verheerlik
en sorg dat ons ‘redder’ die eer kry.
Laat jou getuienis die Kersgeskenk aan jou medegelowiges wees.
Ek hoor graag van jou via epos: mcoetsee0@gmail.com
No comments:
Post a Comment