2 Korintiers 4 : 17 Ons swaarkry
in hierdie lewe is maar gering en gaan verby, maar dit loop vir ons uit op 'n
heerlikheid wat alles verreweg oortref en wat ewig bly.
Jy gaan deur hel op hierdie oomblik. Alles is deurmekaar. Niks wat jy aanpak wil uitwerk nie. Jy weet nie meer herwaarts of derwaarts
nie.
Onthou net een ding:
probleme en uitdagings is tydelik. Ek weet dit voel soos ‘n ewigheid en
dit sou veral help as ons weet wanneer dit sal beter gaan, maar dis die enigste
versekering wat ek jou kan gee. Dit sal
verbygaan. In vergelyking met die
ewigheid, is die tye waardeur ons worstel, net ‘n klein onderbreking in die
groter plan. Wanneer jy sterk staan in hierdie moeilike tye, bou jy karakter en
bou jy eintlik aan ewige glorie.
As jy vandag vasgevang is in ‘n moeilike periode, kyk na
God. Hy is die begin en voleinder van
alles. Dit wat Hy in jou begin het, gaan Hy nie halfklaar los nie. Hy is saam met jou die storm in, en Hy sal
saam met jou anderkant uitkom. Al wat jy
moet doen is om jou hart te open en woorde van geloof en oorwinning te spreek. Herinner jouself daaraan dat jou probleme net
tydelik is en verklaar dat jou vertroue en hoop op Hom is. Voor jy jou oe uitvee is jou probleme net ‘n
slegte herinnering.
No comments:
Post a Comment