Efesiërs 5 : 33 Elkeen moet sy vrou so liefhê soos hy homself
het, en ‘n vrou moet aan haar man eerbied betoon.
Respek is ‘n klein
woordjie, maar dit kan ‘n groot verskil maak.
Dis so maklik om respek te betoon, want dis bloot om iemand te behandel
soos wat jy graag behandel wil word.
Binne die huwelik kan daar
‘n afstand tussen huweliksmaats ontstaan
wanneer ons nie meer na mekaar kyk as ons praat nie, maar sommer sulke
blaffende bevele in die verbygaan gee of erger nog, sarkastiese of afbrekende
kommentaar lewer… wanneer ons eenvoudig nie meer mekaar respekteer nie. In teenstelling hiermee sal jy hoor hoe twee verliefde
mense saggies met mekaar praat terwyl hul in mekaar se oë staar. Wat het intussen verander?
Joyce Meyer het gesê dat sy
jare lank gebid het dat haar man moet verander en toe antwoord God haar dat sy
moet verander. Ons verwag ook dat ons lewensmaat moet verander, soek die balk
in hul oog, maar dalk moet ons begin verander.
Jy sal verbaas wees hoe jou maat teenoor jou gaan verander as jy
hom/haar met respek en waardering behandel.
Blaas ‘n bietjie respek op
die assies van jul huwelik sodat die liefdesvlam weer kan opvlam.
Besoek gerus die webblad: www.watsediewoord.co.za
No comments:
Post a Comment