Jakobus 1 :19 Elke mens moet maar
te gewillig wees om te luister, nie te gou praat nie en nie te gou kwaad word
nie.
Vir party mense sal dit bitter moeilik wees om die
teks toe te pas. Ons kan so vinnig ‘n
mening of oordeel oor ander uitspreek.
Wanneer ek in die verkeer sit, verstom
mede-motoriste se manier van uiting gee aan hul gevoelens my telke male. Dis asof hul agressiewe monsters raak sodra
hul ‘n stuurwiel vasvat. Ander motoriste
geniet selde voorkeur wanneer hul naby is.
Omdat ander motoriste nie kan hoor nie, word daar obsene tekens gewys of
word die onskuldige party selfs agternagesit.
Ongelukkig het padwoede selde ‘n positiewe uitkoms.
Dis ook nie net op ons paaie dat mense so oorhaastig
uiting aan hul gevoelens gee nie. Ons
begin die Amerikaners na-aap, want almal moet hof toe gesleep word of ten
minste boet vir hul dade, maar self is ons dood onskuldig.
Hoekom kan ons nie meer verdraagsaam teenoor mekaar
wees nie? Hoekom moet ons diegene wat
anders as ons dink, lyk of optree altyd probeer terugkry? Ek het baie meer respek vir iemand wat
wegstap van ‘n onderonsie as die een wat as die ‘oorwinnaar’ uit die stryd
tree. Jakobus 1 : 19 het goeie
raad. Kom ons klim van ons perdjie af en
begin LUISTER na mekaar, alvorens ons praat.
Om ‘n CD te bestel of ‘n
dagstukkie in MP3 formaat af te laai, besoek gerus die webblad: www.watsediewoord.co.za
No comments:
Post a Comment